Mijjen stillemeFjall-50px

Mijjen stilleme daennie prosjeektesne lea, soptsestallemijstie jïh digkiedimmijste byjjes organisasjovnigujmie, sïjtigujmie jïh tjïeltigujmie, raeriestimmiem darjodh mij våaroemisnie sjædta gosse orre åålmegemiehtjiem tseegkedh dajvesne Bijjie Spædtja-Bealjehkh-Helags. Stillemasse vuajnoeh tjöönghkebe gellie ovmessie ïedtjedåehkijste, ovmessie salkehtimmijste jïh aaj tjåanghkojste mejtie byjjes orreme.

Gosse stilleme nåhka jaepien 2017 minngiegietjesne edtjieh gaajhkh vuajnoeh ektiedidh jïh dan våaroemistie edtja raeriestimmiem vaeltedh jis vijriesåbpoe dejnie barkedh jïh dam skaepiedidh.

Mijjieh edtjebe bïevnesigujmie jïh dialogine barkedh dejgujmie gïeh dajvesne årroeh, berkieh jïh nuhtjieh. Dah mah meatan vuesiehtieh stoerre jïh ïedtjevoete, edtja dastegh åålmegemiehtjiem buerebe hammoeh jïh jååhkesjidh.

Datne maahtah tsevtsedh

Dialogtjåanghkojne mah mijjieh byjjes almetjigujmie utnebe, ovmessie sijjine dajvesne, mijjieh vuajnoeh jïh gyhtjelassh tjöönghkieh mejtie barkosne nuhtjebe.

Dah vuarjasjimmieh maam tjuara darjodh edtja krööhkestimmine darjodh vaarjelimmievierhtide jïh miehtjiejielede daennie dastegh åålmegemiehtjesne.

Åvteli maam akt sjæjsjalamme voestegh raeriestieh tematihken dialogdåehkine, dan mænngan vielie dialogtjåanghkoe byjjes almetjidie gyhtjelassine jïh aaj minngiegietjesne remissedåemiedimmine gusnie gaajhkh gïeh sijhtieh åadtjoeh raeriestimmien bïjre maam akt jiehtedh.

Åvtegoerehtimmeste daelie aelkebe barkedh

Åvtegoerehtimmeste, maam jaepiej 2012-2014 dorjesovveme, Naturvårdsvierhke jïh Leeneståvroe daelie sjæjsjalin prosjeektem juhtedh mestie maahta orre åålmegemiehtjiem dajvesne sjïdtedh.

error: Innehållet är skyddat.
Sök