Ledkryss-50pxDah joekehts åålmegemiehtjieh jïh eatnemereservaate gaskem

Åålmegemiehtjie gorrede veeljemem sjïere sveerjen dajvijste mah ektesne elliesvoetem skaepiedieh laantesne. Dej eatnemh leah sjïere jïh stoerre aarvoeh utnieh jïh staate eatnemem eekie.

Dah edtjieh aaj eatnemen gellievoetem jearsoedidh jïh dejtie guesside nuepiem vadta eatnemem dååjredh jïh neavhtodh. Åålmegemiehtjesne lea eatnemem vaarjelamme jïh eah åadtjoeh dam eksploateradidh. Daate sæjhta jiehtedh mijjieh eatnemeaerpiem spåårede mijjese jïh båetije boelvide.

Åålmegemiehtjien lissine gååvnesieh eatnemereservaate jïh biotopvaarjelimmiedajvh. Dejtie maehtieh tseegkedh guktie sjïere aarhtem jallh jieledebyjresem vaarjelidh. Eatnemereservaatem maahta aaj tseegkedh ajve jis sæjhta miehtjienjieleden tsiehkieh vaarjelidh. Daennie dajvevaarjelimmine maahta nænnoestimmieh jeatjahtehtedh jïh aaj jeatjahtehtemh sjïdtedh – daate ij deahpedh åålmegemiehtjesne.

Eatneme eatnemereservaatesne jïh biotopvaarjelimmiedajvesne maahta private almetjh eekedh jallh staate maahta eatnemem åestedh. Dïhte lea tjïelte jallh leeneståvroe mah eatnemereservaaten jallh biotopvaarjelimmiedajven bïjre nænnoestieh.

Åålmegemiehtjie lea fïjnemes nomme maam eatnemedajve maahta åadtjodh. Dïhte lea reerenasse jïh rïjhkebiejjie mah tseegkemen bïjre nænnoestieh.

En pärluggla tittar ut. Foto: Anders Dahlin.
En pärluggla tittar ut. Foto: Anders Dahlin.
  • Åålmegemiehtjie lea nænnoesommes vaarjelimmie gaajhkh vaarjelimmiehammojste.
  • Åålmegemiehtjieh sjidtieh beagkoes jïh dellie stuerebe ïedtjh dejtie sjïdtedh – jïh baalhkah aaj – åålmegemiehtjien bïjre.
  • Åålmegemiehtjien stuerebe budsjehte barkijidie, sijjide gåabph meahtjan båetieh, baalhkide jïh bïevnesidie.
  • Staate eatnemem eekie åålmegemiehtjesne mij sæjhta jiehtedh eatneme stoerre vaarjelimmiem åtna.
  • Gellieh maehtieh eatnemereservaath lyjhkedh jïh desnie guessine årroeh, men eah åadtjoeh seamma staatuse jïh guessieh goh åålmegemiehtjie.
  • Tjïelte, aktegs eatnemeaajhtere jallh staate maehtieh eatnemereservaaten eatnemem eekedh.
  • Dejtie maahta tseegkedh guktie miehtjiejielemen, sjïere aarhten jallh jielemebyjresen tsiehkieh vaarjelidh.
  • Tjïelte jallh leeneståvroe eatnemereservaatem nænnoestieh.
error: Innehållet är skyddat.
Sök